كهربائي منازل عبر تطبيق فزاع

تقدر تطلب تصليح كهرباء البيت، وتمديدات كهرباء جديدة، وأعمال التركيب والفحص.

ابدأ طلبك من تطبيق فزاع

وش مشكلة الكهرباء عندك؟

اكتب في الطلب اللي تشوفه بكلامك، مثل:

• السخان يكهرب، أو جهاز يكهرب لما تلمسه، مثل المكيف أو الميكرويف أو باب الثلاجة.
• شرار أو ريحة احتراق من فيش أو مفتاح، أو التماس كهربائي (ماس كهربائي).
• موية قريبة من الكهرباء، مثل موية عند فيش أو تحت الطبلون.

• القاطع الرئيسي يفصل، أو قاطع المكيف يفصل كل ما تشغّله. ارفع القاطع مرة وحدة بس، وإذا فصل مرة ثانية لا تكرر واطلب كهربائي.
• الكهرب طافي في غرفة وحدة أو في جزء من البيت، أو الكهرباء ضعيفة.
• اللمبات ترمش، أو فيه صوت في طبلون الكهرباء.
• فيش ما يشتغل أو مفتاح خربان.

الأعمال اللي تقدر تطلبها

اكتب في الطلب وش تبغى من كهربائي منازل، مثل:

• تمديدات كهرباء: تمديد كهرباء لغرفة أو لجهاز جديد، أو تأسيس كهرباء لملحق أو بيت جديد.
• الافياش والطبلون: تركيب فيش ثلاثي أو افياش زيادة، تغيير المفاتيح، تركيب قاطع أو طبلون جديد، أو نقل طبلون الكهرباء.
• الإنارة: تركيب لمبات أو سبوت لايت أو ثريا.
• أجهزة البيت: تركيب شفاط مطبخ أو مروحة سقف، أو تركيب انتركم أو جرس باب.
• الفحص والتأريض: فحص كهرباء المنزل أو فحص التمديدات الكهربائية، وأعمال التأريض.

والكهربائي يحدد الطريقة والقطع اللي تحتاجها بعد ما يشوف.

وش تكتب في الطلب؟

• وين المشكلة: أي غرفة، وأي جهاز أو فيش أو مفتاح، أو الطبلون.
• وش يصير: يكهرب، يطلع شرار، يفصل، يرمش، أو ما يشتغل.
• متى تظهر: من متى بدأت، وهل هي طول الوقت أو بس لما تشغّل جهاز مثل المكيف أو السخان.
• القاطع: هل القاطع يفصل، وهل هو الرئيسي أو قاطع غرفة أو جهاز.
• إذا تبغى تركيب أو تمديد: وش تبغى تركّب ووين، وكم عدده.
• صورة إذا تقدر: صورة واضحة للمشكلة، من مكان آمن.

كيف تطلب كهربائي من تطبيق فزاع؟

1. افتح التطبيق وابدأ طلب كهرباء. اكتب وصف المشكلة اللي جهّزته، وأرفق صورة إذا عندك، وراجع ملخّص طلبك قبل ما ترفعه.
2. حدد الموقع والموعد. ثبّت موقع البيت على الخريطة، واختر الوقت اللي يناسبك.
3. ادفع رسوم الفحص عشان يتأكد طلبك. المبلغ وتفاصيله تطلع لك قبل الدفع.
4. راجع عرض السعر بعد الفحص. شوف أجرة العمل وسعر القطع قبل ما تدفع.

رسوم الفحص وأجرة الكهربائي وقطع الغيار

التكلفة على مرحلتين: رسوم الفحص عند الطلب، وعرض السعر بعد المعاينة.

• أجرة العمل وقطع الغيار: كل وحدة لها سطر في الفاتورة، فتعرف كم للشغل وكم للقطع.
• المبلغ المستحق: راجع الفاتورة في التطبيق، وشوف كم انخصم فيها من رسوم الفحص اللي دفعتها.

المبلغ اللي دفعته للفحص ينخصم من أجرة العمل بحد أقصى قيمة الأجرة، ولا ينخصم من سعر القطع. وإذا كانت أجرة العمل أقل من رسم الفحص، يبقى الفرق رسوم فحص.

إذا رفضت السعر لما يوصلك في التطبيق، ينقفل الطلب، ورفض السعر ما يعني إن رسوم الفحص ترجع لك تلقائياً. وللتفاصيل عن الطلب والتكلفة، شوف شروط الاستخدام.

متابعة الطلب وطلب الدعم

تقدر تتابع حالة طلبك وتفاصيله من «طلباتي». وإذا رجعت المشكلة بعد ما يخلص الشغل، ادخل «حسابي» ثم «المساعدة والدعم»، وفي شاشة «تواصل معنا» اكتب رقم الطلب ووصف المشكلة.